FEDERICA DI TIZIO

Durante os traballos mineiros de extracción de carbón nas Pontes, descubríronse moitos fósiles que permitían aproximar que hai millóns de anos, onde agora está a vila de As Pontes, había unha gran lagoa chea de saurios.

A partir desta premisa, a artista Federica Di Tizio inspirouse para realizar a súa peza mural nunha das rúas peonís da vila. A súa peza, ademais de histórica e educativa, non pasa desapercibida para as persoas que pasan por alí, xa que está dotada dunhas cores que alegran a vista e unha composición moi atractiva. En palabras de Federica:

«A idea era imaxinar como era As Pontes nesta época. Así que aparecen animais e plantas que, moi doadamente, podían estar aquí durante o cretáceo. Xa que ninguén pode saber a ciencia certa a verdadeira cor dos dinosauros, escollemos cores de fantasía co fin de crear unha atmósfera coloreada que encaixara á súa vez nas coas cores da rúa onde se atopa o mural.»

Federica Di Tizio é unha artista italiana con base en Galicia, debuxante de cómics e ilustradora infantil. Formouse na Academia Fumetto di Pescara e, dende o 2005, traballou como ilustradora e character designer freelance, colaborando con editoras de Europa, Asia e EEUU.

Esta peza pode visitarse na Rúa Rego do Campo 2

PARA SABER MÁIS