A lenda das tres fontes irmás

A lenda das tres fontes irmás

DELIO RODRÍGUEZ

 

 

DELIO RODRÍGUEZ

Antes de que se construísen as pontes que cobren o río Eume…
Na serra do Xistral, nacían tres fontes xuntas coma irmás, Masma, Landro e Eume. O mar prometéralles que a primeira que chegara onda el, cumpriríalle un desexo. As tres fontes botáronse ao camiño rapidamente ata que cansaron e botáronse a durmir, prometendo que a primeira en espertar, avisaría ao resto. Sen embargo, cando o Masma e o Landro espertaron, marcharon caladiñas e amodiño para seguir co seu camiño. Cando espertou o Eume e descubriu a traizón, saíu enfurecida e entolecida, conseguindo chegar primeira ao mar. Esta fonte deu lugar ao río Eume, quen lle pediu como desexo ao mar que cada ano o agasallase cunha persoa.
Ese é o motivo polo que cada ano, o río Eume leva unha persoa consigo.

Esta lenda tan recoñecida na vila, ten moitas versión e interpretacións, cambiando entre outras cousas, os ríos que a conforman (polo Sor, o Mandeo, ou o Ouro), mais sempre co mesmo desenlace: o sacrificio anual dunha persoa no río Eume. Aínda que moitas persoas coñecen a lenda, ninguén a proxectou nunca nunha imaxe, sendo pioneiro o artista Delio Rodríguez.

Delio foi o encargado de darlle vida a unha lenda clásica que acompaña a vila dende hai moitos anos, amosando toda a nosa historia na súa PEZA. O artista foi quen de transmitir nun mural esa mestura de sensacións que produce a lenda e o poderío co que se describe ó río que atravesa a nosa vila.

Delio Rodríguez é orixinario de Vigo, comezando dende moi novo a súa actividade na súa cidade natal. Desenvolveu unha gran parte da súa carreira profesional en México e de aí a países como Ecuador, Portugal ou Italia. Participou en gran variedade de eventos de arte urbana e proxectos sociais con murais en gran formato.

Ademais dun talento innegable, Delio amosou un compromiso moi importante coa historia da vila, nutríndose dela para a elaboración da súa peza, a cal non deixou indiferente a ningunha veciña e veciño, que se acercaban a admirala durante o proceso.

O artista daba a súa opinión sobre o proxecto nunha entrevista:

«Gústame especialmente a aposta que se fai aquí para que todo teña relación co pobo e as súas historias, paréceme unha gran idea. Agora mesmo, o tema da arte urbana ten moita pegada, está en alza. Pero o que se fai en As Pontes, vino menos. En países como México é máis habitual, pero aquí é moi novidoso».

Tamén comentaba as boas migas que fixo coa xente do lugar, o seu club de fans local:

«Unha das cousas que motivou o traballo con creces, foi a presencia de todos os veciños que ollaban o proceso compartindo impresións e experiencias comigo e me daban parabéns. Entre eles se encontran o club de fans das xubiladas do banco de todas as tardes, os cativos saudando e facendo preguntas ó saír da escola, o dono do local de enfronte que se ofreceu a gardarme o material durante os días de chuvia, os xubilados pintores e debuxantes no seu tempo libre, a señora que me compartiu sementes da súa horta, algunha xente que perdeu familiares e achegados no río e me agradecían a representación con certa maxia desta lenda dramática, e moitos máis. Pintar este mural sentiuse como estar na casa coa familia».

A peza está na Avda. da Habana – Barrio do Barreiro, Bloque 6

 

PARA SABER MÁIS
www.deliorc.com

Title Address Description
Alfombra
Av. Ferrol, 41, 15320 Puentes de García Rodríguez, La Coruña, España

ASPANAES
Rúa Vilar Pontes, 1, 15328 As Pontes de García Rodríguez, A Coruña, España

Grafiti literario
Av. Coruña, 19, 15320 Puentes de García Rodríguez, La Coruña, España

A Xanela / Artpo
Rúa Rego do Campo, 5, 15320 As Pontes de García Rodríguez, A Coruña, España

O tren
Rúa Rego do Muiño, 32, 15320 As Pontes de García Rodríguez, A Coruña, España

Outono máxico
Av. Ortigueira, 14, 15320 As Pontes de García Rodríguez, A Coruña, España

Xaquín das Herbas
Av. da Habana, 123, 15320 Puentes de García Rodríguez, La Coruña, España

Diego G. Cereijo
Poblado da Fraga, D4, 15320 As Pontes de García Rodríguez, A Coruña, España

Luis Davila
Rúa Otero Pedrayo, 15320 As Pontes de García Rodríguez, A Coruña, España

Rubén / Iván
Av. Ortigueira, 82, 15320 As Pontes de García Rodríguez, A Coruña, España

Wedo
Av. Galicia, 48, 15320 Puentes de García Rodríguez, La Coruña, España

 

Yoseba MP
Av. Galicia, 76, 15320 Puentes de García Rodríguez, La Coruña, España

Leo López
Av. Castelao, S/N, 15320 Puentes de García Rodríguez, La Coruña, España

Lula Goce
Rúa Rego do Campo, 32, 15320 As Pontes de García Rodríguez, A Coruña, España

Miguel Peralta
Av. Galicia, 3, 15328 Puentes de García Rodríguez, La Coruña, España

Sekone
Praza Hospital, 13a, 15320 As Pontes de García Rodríguez, A Coruña, España

Suk Ha
Unnamed Road, 15320 As Pontes de García Rodríguez, A Coruña, España

Delio Rodríguez
Poboado do Barreiro, 62, 15320 As Pontes de García Rodríguez, A Coruña, España

Luis Davila II
Rúa Rego do Campo, 29, 15320 As Pontes de García Rodríguez, A Coruña, España

Outono máxico II
Av. Ferrol, 17, 15320 Puentes de García Rodríguez, La Coruña, España