LEO LÓPEZ (La Naval)

Este mural é anterior ao proxecto As Pontes enPEZAS, iniciativa que procura converter a localidade nun museo ao aire libre con proxectos artísticos multidisciplinares e colaborativos.

O mural está dedicado á figura de Enrique Rivera Rouco, cronista oficial da vila de As Pontes de García Rodríguez e que dá nome á biblioteca municipal.

A PEZA conxuga técnicas clásicas e contemporáneas, incluíndo versos de poetas da localidade. Os debuxos, nos que destaca a cor e o uso do graffiti, fan alusión ao reflectido nos poemas que figuran nas paredes: a auga, a terra, o paso do tempo, a relixión, a maxia, os feitizos, e a vila das Pontes no centro, entre as fragas e os ciclos da vida.

As poesías reflectidas no mural realizado por Leo López, son creacións dos compoñentes da agrupación literaria local Alalá. O muralista forma parte de La Naval, colectivo de artistas galegos dedicados á ilustración, o deseño gráfico, o audiovisual e o muralismo.

A peza dedicada a Don Enrique atópase na fachada da Biblioteca Municipal, na Avenida de Castelao 

PARA SABER MÁIS
www.lanavalcomunicacion.com
www.qwertymagazine.com/grupo-poetico-alala